کراچی: انٹرنیشنل کرکٹر شاہ زیب
حسن نے ڈومیسٹک کرکٹ کی تیز ترین سنچری بنا دی، پریذیڈنٹ ون ڈے کپ میں
اوپنر نے اسٹیٹ بینک کیخلاف صرف40 بالز پر تہرے اعداد تک رسائی حاصل کی۔
انھوں نے ناقابل شکست 112میں سے104رنز بائونڈریز کی مدد سے بٹورے، اس
دوران11 چوکے اور10 چھکے لگائے، پورٹ قاسم نے9 وکٹ سے فتح حاصل کی، سہیل
خان نے 5 وکٹیں اڑائیں۔ شاہ زیب سے قبل عمران نذیر نے 45گیندوں پر سنچری کا
ریکارڈ قائم کیا تھا
شاہ زیب حسن نے گذشتہ برس زیڈ ٹی بی ایل کی جانب سے سوئی گیس کے خلاف اسلام
آباد میں189کی اننگز کے دوران صرف45 گیندوں پر تہرے ہندسوں میں رسائی
پائی تھی۔ لسٹ اے میچز میں 36گیندوں پر تیز ترین سنچری کا اعزاز مشترکہ طور
پر کیوی بیٹسمین کورے اینڈرسن اور سمرسٹ کے جی ڈی روز کے قبضے میں ہے،
اینڈرسن نے گذشتہ دنوں ویسٹ انڈیز کیخلاف یہ اعزاز پایا، روز نے1990میں
ڈیون کیخلاف کارنامہ انجام دیا تھا، پاکستانی شاہد آفریدی (37بالز) پر
سنچری بنا چکے، انھوں نے سری لنکا کیخلاف نیروبی میں یہ اننگز کھیلی تھی
Post a Comment